Rhaglenni buddsoddi ffyniant bro a chymunedol Llywodraeth y DU

Bydd y Gronfa Ffyniant Bro yn weithredol tan Mawrth 2025 ac yn buddsoddi £4.8 biliwn ar draws y DU. 

Mae’r gronfa yn cyllido prosiectau cyfalaf mawr a bydd yn cefnogi: 

• adfywio canol trefi a’r stryd fawr (hyd at £20 miliwn)
• asedau diwylliannol a threftadaeth (hyd at £20 miliwn) 
• prosiectau trafnidiaeth leol (hyd at £50 miliwn) 

Dim ond awdurdodau lleol all gyflwyno cais i’r Gronfa

Gall ardaloedd cyflwyno un cais ar gyfer pob Etholaeth Seneddol o fewn eu ffiniau ac un cais trafnidiaeth leol.  Gall Cyngor Gwynedd felly gyflwyno hyd at dri chais. 

Cynhaliwyd rownd gyntaf y Gronfa Ffyniant Bro yn 2021.  Nid oedd unrhyw geisiadau o Wynedd yn llwyddiannus. 

Cyflwynodd Cyngor Gwynedd 3 cais i ail rownd Cronfa Ffyniant Bro mis Awst 2022. 

• Bywiogi Bangor – pecyn o gynlluniau yn cynnwys datblygiad Canolfan Iechyd a Lles, gwelliannau amgylcheddol i Bae Hirael, gwella cysylltedd oddi fewn i’r Ddinas a gwedd gyntaf o Ysgol Feddygol Gogledd Cymru. Cynllun yn cyplysu ymyraethau yn gysylltiedig a iechyd a lles tra yn adfywio canol y ddinas.    
• Coridor Gwyrdd Ardudwy - pecyn yn cynnwys adeiladu ffordd newydd i osgoi pentref Llanbedr, chreu mynediad newydd i’r maes awyr presennol yn ogystal â chyflwyno gwelliannau ehangach i’r ddarpariaeth cerdded a beicio, safleoedd bws a gwasanaeth gwefru ceir trydanol ar hyd coridor y A496 yn ardal Ardudwy
• Llewyrch o’r Llechi 2023 – Pecyn o gynlluniau ar draws 3 o gymunedau y dyffrynnoedd llechi Gwynedd sydd yn adnabod cyfleon i uchafu ar y buddion i’r gymuned leol a’r economi yn sgil dynodiad Safle Treftadaeth y Byd yn ôl yn 2021. Cynllun sydd yn cynnig cyfleoedd a datblygiadau sydd yn cyfrannu tuag at adfywio y cymunedau hyn. Pecyn penodol yn canolbwyntio ar gynlluniau yn Ogwen, Peris a Ffestiniog. 

Bu i Lywodraeth Prydain yn Ionawr gyhoeddi’r cynlluniau llwyddiannus ar gyfer ail rownd Cronfa Ffyniant Bro. Derbyniwyd cadarnhad fod Llewyrch o’r Llechi yn llwyddiannus gyda buddsoddiad o £18.8m drwy Gronfa Ffyniant Bro tuag at becyn cyflawn werth tua £27m.

Mwy o wybodaeth am y Gronfa Ffyniant Bro  

Bydd Cronfa Ffyniant Gyffredin y DU yn darparu £2.6 biliwn ar draws y DU erbyn Mawrth 2025.  

Bydd cyllid cyfalaf a refeniw ar gael ar draws tair blaenoriaeth fuddsoddi: 

• Cymuned a Lle
• Cynorthwyo Busnesau Lleol, a
• Phobl a Sgiliau 

Bydd pob ardal leol yn derbyn dyraniad ar sail fformiwla cyllido.  Dyrannwyd £24.4 miliwn i Wynedd ar gyfer y cyfnod hyd at Mawrth 2025 - mae’n ofynnol i £4.2 miliwn o’r dyraniad gael ei fuddsoddi yng nghodi lefelau rhifedd ymhlith oedolion.

Yng Nghymru, mae’n ofynnol i ardaloedd lleol cydweithio gydag ardaloedd eraill o fewn eu rhanbarth.  Mae Gwynedd yn rhan o ranbarth Gogledd Cymru, ynghyd a Sir Fôn, Conwy, Sir Ddinbych, Sir Y Fflint a Wrecsam. 

Mwy o wybodaeth am Gronfa Ffyniant Gyffredin y DU  

Bydd y Gronfa Perchnogaeth Gymunedol yn weithredol hyd at Mawrth 2025 ac yn buddsoddi £150 miliwn ar draws y DU. 

Gall grwpiau cymunedol a gwirfoddol geisio am arian cyfatebol i brynu a/neu adnewyddu asedau a chyfleusterau sydd i’w rhedeg er lles y gymuned leol. 

Bydd o leiaf 8 rownd bidio yn cael eu cynnal. Cynhaliwyd y rownd gyntaf yn 2021 ac agorwyd yr ail rownd agor ym Mehefin 2022. 

Agorwyd y drydedd ffenestr o Rownd 2 ar 15 Chwefror 2023 a bydd yn cau ar 14 Ebrill 2023 am 11:59am. Os byddwch yn ceisio yn ystod y cyfnod yma, bwriedir roi gwybod i chi am ganlyniad yn yr Haf  2023.

Mwy o wybodaeth am y Gronfa Perchnogaeth Gymunedol  

Yn 2021, darparodd Llywodraeth y DU £200 miliwn ar draws y DU fel mesur interim cyn cyhoeddi Cronfa Ffyniant Gyffredin y DU. 

Cyflwynwyd ceisiadau i Lywodraeth y DU trwy law Cyngor Gwynedd, yn dilyn galwad agored a phroses blaenoriaethu. 

Roedd naw cais o Wynedd yn llwyddiannus gan sicrhau £2.61 miliwn. Rhaid i bob prosiect fod wedi cwblhau cyn 31 Rhagfyr 2022. 

Gweld mwy o wybodaeth am brosiectau lleol 

ac

Mwy o wybodaeth am y Gronfa Adfywio Cymunedol