Polisiau caffael
Blaenoriaethau Caffael
Mae’r Cyngor yn gwario dros £170m y flwyddyn ar gaffael, neu brynu, gwahanol nwyddau a gwasanaethau o gyllidebau refeniw. Yn 2023/24, roedd pryniant o nwyddau a gwasanaethau lleol gyfwerth â £99miliwn i’r economi leol.
Yn 2023/24, fe welwyd lleihad yn y ganran o wariant lleol i 58% i’w gymharu â 59% y flwyddyn flaenorol. Rydym yn ceisio prynu nwyddau a gwasanaethau mewn ffyrdd arloesol ac effeithlon, a chymerwyd camau er mwyn hwyluso gallu busnesau i gystadlu am gytundebau.
Yn 2024/25 byddwn yn parhau gyda’r gwaith hynny er mwyn codi ymwybyddiaeth a dealltwriaeth busnesau am drefn caffael y Cyngor gan ddarganfod ffyrdd pellach i’w cefnogi i gyflawni’r gwasanaethau rydym eu hangen.
Polisi Caffael Cynaladwy
Pwrpas y polisi yw cefnogi gwasanaethau drwy arweiniad polisi, canllawiau a chefnogaeth gorfforaethol i sicrhau bod y Cyngor yn caffael mewn ffordd gyfrifol a chynaladwy, ac yn uchafu cyfleoedd i wneud y defnydd gorau bosib o wariant y Cyngor er mwyn gwella perfformiad economaidd, amgylcheddol a chymdeithasol o fewn y Sir.
Datganiad Caethwasiaeth Fodern
Yn unol â Deddf Caethwasiaeth Fodern 2015, mae Cyngor Gwynedd yn cydnabod bod cyfrifoldeb arno fel cyflogwr i fod yn ymwybodol o’r potensial ar gyfer achosion o gaethwasiaeth fodern ac i adrodd ar achosion o’r fath i’r cyrff perthnasol. Gweler Datganiad a Cynllun Gweithredu Cyngor Gwynedd isod:
Cod Ymarfer Llywodraeth Cymru: Cyflogaeth Foesegol mewn Cadwyni Cyflenwi
Cyflwynwyd Cod Ymarfer Llywodraeth Cymru ar Gyflogaeth Foesegol mewn cadwyni cyflenwi er mwyn tynnu sylw at yr angen ym mhob cam o’r gadwyn gyflenwi, i sicrhau bod arferion cyflogaeth dda yn bodoli ar gyfer pob gweithiwr, yn y Deyrnas Unedig a thramor. Mae’r Cod hefyd yn cydymffurfio â deddfwriaeth y DU ar ffurf Deddf Caethwasiaeth Fodern 2015.
Mae Cyngor Gwynedd wedi mabwysiadu Cod Ymarfer Cyflogaeth Foesegol mewn Cadwyni Cyflenwi sydd am sicrhau bod arferion cyflogaeth da yn bodoli ar gyfer yr gweithwyr ar bob cam o'r gadwyn gyflenwi yn y Deyrnas Unedig a thramor. Gweler y Datganiad a'r Adroddiad Cynnydd isod:
Mae mwy o wybodaeth ar gael ar wefan Llywodraeth Cymru: Cyflogaeth foesegol mewn cadwyni cyflenwi: cod ymarfer, arweiniad a hyfforddiant
Am ragor o wybodaeth, cysylltwch â ni ar 01766 771000 neu caffael@gwynedd.llyw.cymru