Amgueddfa Lloyd George
Rydym ar fin cau yn gynnar y tymor hwn ar gyfer gwaith moderneiddio ac ailddehongli. Bydd yr amgueddfa'n ailagor y Pasg nesaf gydag arddangosfeydd wedi'u diweddaru i gyfoethogi profiad yr ymwelydd. I gael golwg olaf ar yr Amgueddfa fel y mae dewch i'n gweld cyn 5pm 18/9/24!!!
Close
Mae'r eitemau yn Amgueddfa Lloyd George a Highgate, cartref ei blentyndod, yn ein helpu i ddeall bywyd ac amseroedd y cyn-Brif Weinidog o 1863 - 1945.
Yma gallwch weld arddangosfa unigryw o wrthrychau yn adrodd ei stori – casgedau a sgroliau wedi'u haddurno'n wych ac yn unigryw a gyflwynwyd iddo fel anrhydeddau dinas, megis model arian syfrdanol o Gastell Cricieth a gyflwynwyd gan y dref.
Arddangosir hefyd, medalau, paentiadau, lluniau, dogfennau fel Cytundeb Versailles, 'Coron Lloyd George' (y pensiwn cyntaf a ddosbarthwyd yng Nghymru), gwisgoedd ac eitemau personol. Dysgwch sut y daeth Lloyd George i sylw cenedlaethol oherwydd giât oedd dan glo yn Llanfrothen a chael golwg ar helmed y plismon a wisgodd Lloyd George i ddianc rhag torf blin yn Birmingham. Gewch ymweld a’r ardd lle tyfodd Lloyd George lysiau fel plentyn a gweld gosodiad celf o 2019, 'Rhif 10'.
Taith Gerdded Lloyd George
Oriau agor a lleoliad
Mae’r Amgueddfa ar agor rhwng Pasg a’r Hydref. Rydym yn argymell eich bod yn ffonio cyn ymweld.
Ebrill – Mai
10:30 - 17:00, Llun – Gwener (Sadwrn a Sul hefyd ar benwythnos Gŵyl Banc)
Mehefin
10:30 - 17:00, Llun – Sadwrn
Gorffennaf - Awst
10:30 - 17:00, Llun – Sul
Medi (hyd at 18/09/24)
10:30 - 17:00, Llun - Sul
Cliciwch ar y map i’w wneud yn fwy
Pris mynediad
Prisiau Amgueddfa Lloyd George
| Oedran | Pris |
|---|
| Oedolion |
£7.50 |
| Plant |
£4.00 |
| Rhai dros 65 / Myfyrwyr |
£6.50 |
| Tocyn Teulu |
£20.00 |
Cysylltu â ni
Cyfle i’r plant:
- ddysgu am y gwladweinydd enwog
- gwisgo dillad Fictoraidd
- mwynhau gwers yn y dosbarth Fictoraidd
- dysgu mwy am grefft y crydd yng ngweithdy Yncl Lloyd
- coginio ar y tân agored
- golchi dillad â thwb, doli bren a mangl
Darperir gwasanaeth addysg llawn a phecyn gwybodaeth i athrawon ymlaen llaw, sy’n cynnwys taflenni gwaith a gwybodaeth.
Addas ar gyfer CAau 1, 2 a 3 mewn sawl pwnc ar y cwricwlwm, a TGAU / Lefel A Hanes.
Cysylltu â'r gwasanaeth addysg
Ymunwch â'r Cyfeillion er mwyn helpu i gadw'r cof am Lloyd George yn fyw. Rydym yn:
- cefnogi a chynorthwyo datblygiad yr Amgueddfa a'i defnydd addysgiadol, a chefnogi datblygiadau newydd
- trefnu a hyrwyddo darlithoedd a digwyddiadau
- codi arian at brynu eitemau addas i'w harddangos a hybu ymchwil
Lawrlwytho ffurflen ymaelodi
- Cadeirydd - Philip George
- Is-gadeirydd - Merfyn Jones
- Trysorydd - Nesta G Jones
- Ysgrifennydd - Elizabeth George
Cyfeillion Amgueddfa Lloyd George, Llanystumdwy, Cricieth, Gwynedd, LL52 0SH
01766 522071