Cronfeydd Galluogi

Gweinyddwr: CYNGOR GWYNEDD
Cyfanswm arian UKSPF Gwynedd: £1,800,000
Crynodeb o’r Gronfa: Cronfa grant gystadleuol fydd yn fodd o gefnogi sefydliadau lleol, yn cynnwys mentrau a grwpiau adfywio, i arwain a datblygu prosiectau sydd yn ymateb i anghenion a blaenoriaethau lleol.

Mae’r Gronfa yn cynnwys tri gris gwahanol o grantiau - Cyfalaf a Refeniw rhwng £25k a £200k, Refeniw rhwng £25k a £75k a grantiau o dan £25k. Bu cais agored i sefydliadau ar draws Gwynedd gyflwyno ceisiadau am grant ar gyfer datblygu prosiectau adfywio o fewn eu cymunedau o fis Mehefin 2023 hyd at ganol Gorffennaf 2023. Derbyniwyd ceisiadau gyda chyfanswm gwerth dros £5 miliwn.
Cronfa Cefnogi Adfywio Cymuned

Gweinyddwr: CYNGOR GWYNEDD
Cyfanswm arian UKSPF Gwynedd: £1,631,000 
Crynodeb o’r Gronfa: Nod y Gronfa yw hyrwyddo diwylliant a threftadaeth, hybu lles corfforol a byw’n iach, a datblygu economi ymweld cynaliadwy. Cyflwynir y rhaglen ‘Diwyllesiant’ fel prosiect traws wasanaeth o fewn Cyngor Gwynedd sydd a'r bwriad o weithredu ar draws tri maes blaenoriaeth – Diwylliant a Threftadaeth, Digwyddiadau a’r Economi Ymweld Gynaliadwy, a Byw’n Iach ac Actif  - er budd, ac i gefnogi lles trigolion, cymunedau, amgylchedd a busnesau Gwynedd.

Mae’r gronfa yn cynnwys tair cronfa lai ar gael i sefydliadau a mudiadau’r sir.  Mae £350k wedi ei glustnodi ar gyfer y Gronfa Diwylliant a Threftadaeth, a £250k yr un wedi ei glustnodi i’r Gronfa Digwyddiadau a’r Gronfa Byw’n Iach ac Actif.   

Cronfa Cefnogi Diwylliant a Threftadaeth, Digwyddiadau, Byw’n Iach ac Actif

Gweinyddwr: CYNGOR GWYNEDD
Cyfanswm arian UKSPF Gwynedd: £1,800,000 
Crynodeb o’r prosiect: Pwrpas y prosiect yw darparu cymorth, gwybodaeth a chefnogaeth ariannol sydd ei angen ar fusnesau Gwynedd i ddechrau, datblygu, a ffynnu. Mae pum ffrwd gwaith fydd yn gweithio fel pecyn i gynnig y cymorth mwyaf priodol i fusnesau’r Sir, sef: 

• Gweithredu strategaeth ymgysylltu busnes Cyngor Gwynedd, 
• Prosiect Catalyddion Cymunedol,  
• Prosiect Ailwefru,  
• Prosiect Platfform Digidol, a
• Chronfa Datblygu Busnes

Cronfa Datblygu Busnes
Mae’r gronfa yn cynnwys dau fath gwahanol o gymorth ar gael i fusnesau - Cronfeydd Datblygu Busnes (Sbarduno a Trawsnewid) a Grantiau Gwella Eiddo. Mae cyfanswm o £1.7miliwn ar gael i gefnogi busnesau, sy’n gyfuniad o arian SPF ynghyd â chyfraniad o arian wrth gefn gan y Cyngor, a chyfraniad gan Lywodraeth Cymru.  

Mae’r Gronfa bellach wedi’i hoedi - roedd modd ymgeisio am grantiau bach o dan £25k a grantiau rhwng £25k a £250k ar gyfer pob math o grant.  Bu i’r Gronfa agor i geisiadau gan fusnesau ar draws Gwynedd am grant i ddatblygu eu busnes ym mis Awst 2023, a derbyniwyd ceisiadau gyda chyfanswm gwerth dros £10.7 miliwn.

Cronfeydd Datblygu Busnes (llyw.cymru)  

Gweinyddwr:  MANTELL GWYNEDD
Cyfanswm arian UKSPF Gwynedd: £1,500,000 
Crynodeb o’r Gronfa: Mae’r Gronfa yn cynnig cyfleoedd ariannu rhwng £2k a £250k i grwpiau gwirfoddol neu gymunedol wedi eu lleoli yng Ngwynedd. Rhagwelir bydd amrywiaeth eang o grwpiau a phrosiectau yn cyflwyno gweithgareddau gwahanol gyda thraws doriad o gymunedau/pobl yn elwa. 

Bu cais agored i sefydliadau ar draws Gwynedd gyflwyno ceisiadau am grant i yn ystod mis Medi 2023 a derbyniwyd ceisiadau gyda chyfanswm gwerth o £4.9 miliwn.
Cronfa Cefnogi Sefydliadau Gwirfoddoli