Help i fyw yn annibynnol (2)

Gwasanaeth monitro sy’n eich galluogi i alw am help ddydd neu nos drwy gyffwrdd botwm, neu drwy gyfres o synwyryddion yn eich cartref yw teleofal. Mae’n ffordd ataliol o gynnig gofal o bell i drigolion, ac yn gallu bod o gymorth i leihau risgiau o fewn y cartref neu alluogi unigolion i barhau i fyw mor annibynnol â phosib.

Mwy o wybodaeth a gwneud cais am wasanaeth Teleofal

Os ydych angen offer cerdded gallwch hunangyfeirio eich hun i wasanaeth Ffisiotherapi Bwrdd Iechyd Betsi Cadwaladr:

Mwy o wybodaeth: Gwefan Bwrdd Iechyd Betsi Cadwaladr - dim llawer o wybodaeth yma....Linc arall??

Mae'n bosib prynu mân offer (e.e. offer ymcholi, codwyr cadeiriau) o siopau lleol megis

• Anglesey Mobility Ltd (01248 751576)
• Byw Bywyd 

Offer wedi torri

Os ydych angen trefnu i gasglu offer o'ch cartref neu i roi gwybod bod offer wedi torri ac angen ei adnewyddu, ffoniwch: 03000 852 878.

Os ydych angen cadair arbenigol er mwyn eich cefnogi gyda osgo neu drosglwyddiadau gallwch gysylltu gyda’r isod er mwyn trefnu asesiad:

• Byw Bywyd 
  • Health Care Matters

Os ydych angen lifft grisiau cysylltwch â:

• DSL Mobility

Byw yn eich eiddo eich hun/rent preifat

Os ydych chi’n byw yn eich eiddo eich hun/rent preifat ac angen canllawiau, mân addasiadau i'r cartref neu gefnogaeth gyda chynllunio a threfnu addasiadau mawr (e.e. cawod mynediad gwastad) yn breifat, cysylltwch â: 

• Gofal a Thrwsio (01286 889 360) 
  
  

Os ydych mewn sefyllfa i fod yn trefnu a thalu am unrhyw addasiad mawr arall (e.e. cawod mynediad gwastad) argymhellir i chi fod yn cysylltu gyda’ch adeiladwr lleol. 

Byw mewn eiddo sy'n berchen i Gymdeithas Dai

Os ydych yn byw mewn eiddo sydd yn berchen i Gymdeithas Dai, cysylltu’n uniongyrchol â nhw er mwyn hunangyfeirio am addasiadau mân (e.e. canllawiau, “key safe”):

• • Adra - 0300 123 8084.
  • Tai Gogledd Cymru - 01492 572727.
  • Grŵp Cynefin - 0300 111 2122.
  • Clwyd Alyn - 0800 183 5757.

??

Nid ydym yn asesu unigolion er mwyn cwblhau llythyrau cefnogol ar gyfer budd-daliadau yn benodol. Dim ond ar gyfer ar gyfer y rhesymau sydd wedi eu nodi o fewn y meini prawf uchod?? yr ydym yn cwblhau asesiadau. Os oes asesiad wedi ei gwblhau oherwydd y meini prawf uchod ac rydych yn dymuno cael cefnogaeth ar gyfer budd-daliadau, bydd y gweithiwr yn darparu copi o’r asesiad yn hytrach na ysgrifennu llythyr cefnogol penodol.

Ni fyddwn yn asesu unigolion yn benodol er mwyn cwblhau llythyrau cefnogol ar gyfer Bathodyn Glas. Dim ond ar gyfer ar gyfer y rhesymau sydd wedi eu nodi o fewn y meini prawf uchod yr ydym yn cwblhau asesiadau. Os oes asesiad wedi ei gwblhau oherwydd y meini prawf uchod ac rydych yn dymuno cael cefnogaeth ar gyfer cael Bathodyn Glas, bydd y gweithiwr yn darparu copi o’r asesiad yn hytrach na ysgrifennu llythyr cefnogol penodol.

??

Rôl Therapyddion Galwedigaethol yw cefnogi unigolion i allu cymryd rhan mewn gweithgareddau pob dydd (e.e ymolchi, newid, paratoi prydau, mynediad mewn/allan o’r eiddo, ac o amgylch eich cartref, trosglwyddo) mor annibynnol a diogel â phosib, pan mae anabledd neu yr amgylchedd yn amharu ar y gallu yma.

Gall yr ymyraethau a fydd yn cael eu darparu gynnwys cyngor am sut i addasu’r modd mae’r weithgaredd yn cael ei chwblhau, offer (e.e. codwyr cadair, bwrdd bath), neu addasiadau canolig/mawr (e.e. lifft grisiau, cawod mynediad gwastad, addasiadau sydd yn golygu gwaith strwythurol). Unwaith bydd yr ymyrraeth wedi ei darparu bydd y Therapydd Galwedigaethol yn cysylltu gyda chi i adolygu.

??

Wrth i bob un ohonom fynd yn hŷn, mae’r risg o gael anaf difrifol o ganlyniad i gwympo yn cynyddu. Gall hyn fod yn rhwystr i sut mae rhywun yn byw eu bywydau.  

Dyma awgrymiiadau am sut i leihau’r risg, cymorth ychwanegol a hefyd cymorth yn dilyn cwymp.    

Awgrymiadau defnyddiol 

• Gwisgwch esgidiau/ ‘slipars’ addas sy’n ffitio yn dda 
• Sicrhewch fod digon o olau ar eich grisiau a gosodwch ganllaw grisiau
• Symudwch unrhyw fatiau rhydd neu sicrhewch bod cefn gwrth-slip arnynt
• Symudwch ddodrefn i sicrhau nad ydynt ar lwybr cerdded
• Defnyddiwch fat gwrth-slip mewn bath neu gawod
• Cadwch offer rydych yn ddefnyddio yn aml o fewn gafael hawdd
• Sicrhewch bod golau wrth eich gwely i chi fedru rhoi hwnnw ymlaen cyn codi
• Os ydych yn defnyddio cynorthwyon cerdded sicrhewch bod traed rwber arnynt.
• Ystyriwch gael larwm Teleofal a all alw am gymorth os ydych yn syrthio.
   

Iechyd  

• Sicrhewch brawf llygaid rheolaidd. Os ydych dros 60 mlwydd oed mae modd cael prawf am ddim ar y GIG pob dwy flynedd. 
• Gwiriwch eich pwysau gwaed gyda’r meddyg, yn enwedig os ydych yn cwympo ar ôl codi o’r gwely neu o gadair
• Os oes gennych broblemau symudedd, ewch i weld meddyg
• Bwytwch yn iach a chadwch yn heini. Mae mwy o wybodaeth am ddosbarthiadau heini pwrpasol is-law.
• Ewch am brawf clywed – gall hylif clustiau achosi heriau balans  

Cadw’n heini 

Mae sawl gwasanaeth yng Ngwynedd yn cynnig cymorth ataliol neu wedi cwymp. Cymerwch olwg fan hyn ar beth sydd ar gael yn eich ardal chi i’ch helpu.  

• Actif am Oes – Mae’r dosbarthiadau hyn yn cynnwys amrywiaeth o weithgareddau arddwysedd isel.
• Byw’n Iach – Mae holl ganolfannau nofio Byw’n Iach yn rhan o’r cynllun nofio am ddim 60+
  • • Dementia Actif Gwynedd – Mae'r sesiynau'n gynhwysol i bobl sy'n cael effeithio gan ddementia ac yn agored i oedolion hŷn sydd eisiau gwneud mwy o ymarfer corff i wella eu stamina, cryfder a chydbwysedd, gêm o boccia, a chymdeithasu dros baned. 
    • Tim Atal Cwympiadau Betsi Cadwaladr – Mae’r gwasanaeth atal cwympiadau yn helpu unigolion dros 65 mlwydd oed wrth adnabod, asesu a chyflwyno ymyriadau i leihau’r risgiau o syrthio. 

Cyfarpar, offer a chymorth ychwanegol 

• Teleofal - Gwasanaeth monitro sy’n eich galluogi i alw am help ddydd neu nos drwy gyffwrdd botwm, neu drwy gyfres o synwyryddion awtomatig yn eich cartref yw Teleofal. Mae'n ffordd ataliol o gynnig gofal o bell i drigolion, ac mae'n gallu bod o gymorth i leihau risgiau o fewn y cartref ac i alluogi chi fyw bywyd mor annibynnol a phosib.
• Gofal a Thrwsio Gwynedd a Môn - Mae Gofal a Thrwsio yn cynnig gwasanaeth i helpu pobl hŷn Gwynedd a Môn i fyw yn annibynnol adref a hynny trwy wneud asesiad o’r cartref a chynnig cyfarpar lle’n briodol i leihau’r risg o godwm. 
• Age Cymru
  Mae Age Cymru yn cynnig mwy o wybodaeth er mwyn lleihau’r risg o gwympo. 

Mae’r Gwasanaeth Cymorth Casglu ar gael i bobl sydd ddim yn gallu mynd â’u biniau neu focsys ailgylchu allan i’r man casglu oherwydd anabledd neu salwch.

Mwy o wybodaeth: Gwasanaeth Cymorth Casglu

Mae’r gwasanaeth “The Wales Mobility Driving Assessment Service” yn cwblhau asesiadau gyda gyrwyr, teithwyr a gofalwyr sydd yn cael anawsterau gyrru neu trosglwyddo mewn/allan o’r car oherwydd cyflyrau meddygol (corfforol neu gwybyddiaeth).

• https://wmdas.co.uk/ 
• 01745 584858  

• Help efo teithio, parcio a bathodyn glas (llyw.cymru)
• Nid oes angen i chi gael asesiad gan weithiwr ar gyfer man parcio anabl. Fodd bynnag mae canllawiau penodol er mwyn caniatáu man parcio i berson anabl. Gweler gwefan Mannau parcio i bobl anabl (llyw.cymru) am fwy o wybodaeth.
• Bathodyn glas

• Mae modd i chi gael eich cyfeirio am gadair olwyn syml drwy eich Meddyg Teulu, Ffisiotherapydd, neu drwy’r Nyrs Ardal sydd yn gweithio gyda chi.
• Mae hefyd modd i chi eu hurio gan:
  • Y Groes Goch - Find your local wheelchair service | British Red Cross / 0300 456 1914.
  • Byw Bywyd - 01286 830 101.
  • DSL Mobility - 01978 351 926.